7. februar er det premiere på jubileumsførestilliga ”Be Our Guest”, som vert laga i høve 20 års-jubileet til Musikk-, dans- og dramalinja ved Volda Vidaregåande skule. Medan musikkelevar tek publikum med storm, jobbar elevar på medielinja på spreng for å dokumentere, fotografere og marknadsføre musikalen. Saman er vi dynamitt!
Dei siste åra har medieelevane bidrege sterkt for at dette skal verte noko som ikkje skal gå i gløymeboka. Det vert mellom anna laga ein DVD med opptak frå førestillingane, og denne er med på å gje musikkelevane eit minne for livet.
Medieelevane bidreg også under sjølve framsyningane med videoar, animasjonar, digitale kulissar og visuelle effekter. Dette er med på å styrkje både innhald og ”showfaktor”!
Her kan du sjå korleis medielinja har arbeidd dei siste åra.
www.musikalen.no/2014
www.musikalen.no/2013
Alt som vert produsert av nyttig informasjon, er å finne på Facebook-sida og nettsida vår: musikalen.no. For morosame oppdateringar kan ein fylgje ”musikalen2015” på Instagram og Twitter.
Tekst: Maren Solem, Dorthe J.Hovden og Julie Sævik, Foto: Eline Korsnes Sundal