Elevar frå fleire ungdomsskular fekk onsdag formiddag sjå førpremieren av «Goodbye Yellow Brick Road». Då klokka nærma seg 11 strøymde nesten 300 personar inn på kulturhuset i Ørsta.
Tekst: Knut Espe Bae
I dag er det premiere for Musikalen 2016: «Goodbye Yellow Brick Road». Det strøymar inn med elevar frå forskjellige skular. Vi har snakka med fem elevar frå Møre barne/ungdomsskule og Herøy ungdomsskule, for å finne ut om elevane gleder seg til musikalen.
– Eg gler meg veldig til musikalen, og trur den blir bra, seier Sverre August Burdal frå Møre barne/ungdomsskule. Han har ikkje vore på musikalen til musikklinja før, men han har vore på musikalen «Løvenes Konge». (Foto: Knut Espe Bae)Andrea Hovde som også er frå Møre barne/ungdomsskule var på musikalen i fjor, og gler seg til årets musikal, sidan ho likte fjorårets musikal veldig godt. (Foto: Knut Espe Bae)– Det er fyrste gong eg ser Volda-musikalen, så eg gler meg, seier Tom Andre Myklebust frå Herøy ungdomsskule. (Foto: Simon Grøtta Helset)
Kanutte Kopperstad og Arsene Simbi frå Herøy ungdomsskule var begge på musikalen i fjor, og gler seg veldig til årets musikal sidan begge kjenner Even Sævik, som er med i musikalen i år. (Foto: Simon Grøtta Helset)