Endeleg er fyrste sending av musikal-TV klar! Bli med å ta ein titt på korleis MU og MK førebur seg til musikalen “The Ultimate Magical Adventures of Maria Mythica Musique”.
I denne sendinga møter vi årets programleiar Ask Homberset i 3MK, som skal lose oss gjennom dei komande episodane av Musikal-TV. Her får du mellom anna høyre regissør Marit Lid Skorstad fortelje litt om kva vi har i vente, og sjå glimt frå musikklinja sine øvingar så langt. I tillegg får vi eit innblikk i arbeidet med dei digitale kulissene som elevane i programfaget Grafisk design jobbar med.
Musikal-TV er laga av Nora Pauline Hovden Remøy, Ask Homberset og Astri Celine Berge, som alle er elevar i 3MK.