LIFE actually / MUSIKALEN Volda vgs
No er siste kvelden komen, og berre sjarmøretappen gjenstår for Andreas og resten av aktørane i Life, actually.
Les meir om Andreas Sundgot og hans førebuingar til musikalen her.
Tekst og foto: Jenny Warholm Engh
Du har framleis sjansen til å få med deg musikalen. Vi har ledige billettar til framsyningane i kveld kl. 18 og kl. 20.
Les meir om Agate Kvalsund her.
Tekst: Caleb Harman, Foto: Caleb Harman og Amanda Langlo Moe
Denne saka var publisert i Vestlandsnytt fredag 11.februar 2022.
Bestill billettar til framsyningane her. NB! Vi sel òg billettar i døra.
Det sa rektor Trond Hjelseth etter at dei kreative linjene ved Volda vidaregåande skule hadde gjennomført premieren på «Life, Actually» måndag kveld.
TEKST OG FOTO: Åge Andre Breivik
– Mange vidaregåande skular med musikklinje gjer dette berre annakvart eller kvart tredje år. Takk for at de gjer det kvart år, sa han, vendt mot elevane på scena.
Med det var premieren på jubileumsframsyninga «Life, Actually» fullført. Den tjuefemte musikalen feirer livet og alle kjenslene me møter på, og er samstundes ei feiring av eit nyopna samfunn.
– Det som framstår som spesielt for meg er at Musikalen 2020 var noko av det siste som vart gjennomført før landet stengte ned. Musikalen 2022 er noko av det fyrste som skjer etter at me opnar opp att, sa Hjelseth.
Med i jubileumsfeiringa høyrer også Medium og kommunikasjon med. Linja har vore tjue år ved Volda vidaregåande skule, og har vore ein viktig medspelar i musikalprosjektet.
– Det lyftar showet, og det er ei glede berre det som skjer av lyd og lys på scena, sa rektor.
Det er dei tre kreative linjene ved Volda vidaregåande skule som står bak musikalprosjektet. Det heile starta på samfunnshuset i Volda i 1997, då musikklinja framførte sin versjon av «West Side Story». Etter nokre år kom Medium og kommunikasjon med på produksjonen, før Kunst, design og arkitektur vart med på laget for nokre musikalar sidan.
– Eg er mektig imponert over elevar, lærarar, kulisser og musikk. For eit team! Det er rett og slett proft, og eg trur de har gleda mange i dag, sa Volda-ordførar Sølvi Dimmen då ho overtok mikrofonen.
Ordføraren gledde seg over at folk fekk sitje tett, både i publikum og på scena.
– Me tek liva våre tilbake, med alle kjensler det ber med seg. Eg har smilt og eg har hatt tårer i augo, sa ho.
– I dag kan me juble over minst tre ting. At de kan opptre igjen, og at me kan vere samla å sjå på dykk. Me kan juble over den fantastiske Musikalen. De over at de er komne i mål, og me over at de framfører den for oss. Så er eg veldig stolt over at de endeleg kan framføre Musikalen i Volda! Det starta på Samfunnshuset, så vaks de ut frå Volda-samfunnet. Men no er me her. Det har vore så leit at me ikkje har kunne vore her, men no er Volda vidaregåande skule på heimebane.
Musikalen held fram med framsyningar tysdag og onsdag kveld. Du kan kjøpe billettar på nettsida til Volda Campus Sparebank 1 Arena, eller i døra før framsyningane.
– Tusen takk for denne opplevinga. Kjenn på gleda inn i dei neste framsyningane og inn i framtida. De er gull, avslutta ordførar Sølvi Dimmen.
Billettar kan du kjøpe her:
Varm opp til musikalpremiere med episode 2 av MusikalTV.
Laga av: Agate Kvalsund, Ine Brandal, Daniella Chimzulumoke Ogbazi, Marielle Liadal Ortiz og Tuva Mårstøl.
Har du gløymd å kjøpe billett? Dei finn du her.
Det seier Erica Ruiz Solhjem. Tredjeklassingen frå Ulsteinvik er med på sin siste musikal med jubileumsframsyninga «Life, Actually».
Tekst og foto: Åge André Breivik, fagkoordinator Medium og kommunikasjon
Måndag går premieren av stabelen i Volda Campus Sparebank 1 Arena. Der markerer Volda vidaregåande skule 25-årsjubileet til Musikalen, og 20-årsjubileet til Medium og kommunikasjon.
– Eg gler meg veldig til å gjennomføre denne musikalen, seier Erica.
Ho fekk vere med på «Askeladden.dotcom» i februar 2020, like før landet stengte grunna koronapandemien. Året etter vart musikalprosjektet for fyrste gong avlyst, og elevane fekk i staden vere med på produksjonen av tre musikkvideoar.
– Det var litt keisamt at musikalen vart erstatta av musikkvideo. Det gav ikkje den same opplevinga der klassane fekk bli skikkeleg samansveisa, seier ho.
Musikalprosjektet blir kvart år avslutta med at heile produksjonen får fleire dagar saman med øving og framføring av prosjektet. Med er alle dei tre kreative linjene på Volda vidaregåande skule.
Frå starten av var det musikklinja som arrangerte. Etter nokre år kom medielinja med, med digitale kulisser, marknadsføring og dokumentasjon. Siste tilskotet til prosjektet er Kunst, Design og arkitektur, som har vore med sidan opprettinga.
– Samhaldet er det beste med prosjektet. Me får bli veldig samansveisa, seier Erica, som gler seg til framsyningane.
I år bidreg ho med dans og song, både i koret og i mindre grupper.
– Eg starta med musikk då eg byrja på musikklinja, fortel ho. No står ho på scenen når prosjektet feirar sine fyrste 25 år.
«Life, Actually» viser oss kjenslene me møter gjennom livet, vist gjennom musikk. Måndag kveld opnar jubileumsmarkeringa med premiere, og deretter følgjer fem framsyningar fram til onsdag kveld.
– Eg gler meg spesielt til den siste framsyninga, det blir veldig spesielt, seier Erica Ruiz Solhjem, nokre dagar før sin siste Volda vidaregåande-musikal.
Billettar til framsyningane kan du kjøpe her:
Elias Hovdenakk Skjerdal (18) er ein av solistane i musikalen Life, Actually. Etter å ha debutert som dansar i musikkvideo i fjor ser han fram til å få stå på ei scene og syngje i år.
Les portrett av Elias Hovdenakk Skjerdal her
Tekst og foto: Isak André Rønning-Aarsæther
– Me skal bidra til at det blir betre å bu og verke på søre Sunnmøre, og dette er eitt av dei arrangementa som bidreg til det, altså, seier Arne Lothe i Sparebank 1 Søre Sunnmøre om støtta dei gir til Musikalen. Fredag møtte dei tre hovudsponsorane elevane i prosjektet.
Tekst og foto: Åge André Breivik, fagkoordinator Medium og kommunikasjon
Musikalen sitt 25-årsjubileum blir støtta av dei lokale bankane, og fredag møtte representar frå Sparebanken Vest, Sparebanken Møre og Sparebank 1 Søre Sunnmøre elevane som er med i «Life, Actually».
– Me har vore med å støtte Musikalen i mange år, og synst for det fyrste det er ufatteleg kjekt at Volda klarer å få på plass ein musikal med så høg kvalitet og så mange involverte. Så det er eit kjempeløft, seier banksjef Mette Ryste, i Sparebanken Møre.
Prosjektet har hatt eit års pause på grunn av koronapandemien. Musikalen 2020 var akkurat komen i mål då landet stengte ned 12. mars. Fjorårets utgåve let seg ikkje gjennomføre, og elevane fekk då vere med på ei alternativ løysing med musikkvideoproduksjon i staden.
No skal elevane endeleg få kome seg på scena att.
– Eg har budd i Volda i ti år, og dette arrangementet har eg lagt merke til kvart einaste år. Banken er ganske ny i Volda, og då er det heilt naturleg for oss å støtte eit arrangement som dette, med nokre heilt utrulege kvalitetar på eitt og same arrangement. Dette er det heilt naturleg for oss å vere med å støtte, seier rådgjevar Frank Vatne i Sparebanken Vest.
Måndag 14. februar er det tid for premiere på musikalen som feirer livet og dei kjenslene me møter på. Med to framsyningar måndag, tysdag og onsdag, skal lokalsamfunnet få sjå kva dei tre kreative linjene ved Volda vidaregåande skule har fått til.
– Utan denne støtta frå dei lokale bankane kunne me ikkje gjennomført eit prosjekt på dette nivået, seier musikalprodusent Jan Terje Eidset.
Han er avdelingsleiar for dei tre linjene, og ser viktigheita av støtte frå lokalt næringsliv.
– Det er eit utruleg godt tiltak for Volda og Ørsta. Det som Musikalen har gjort gjennom mange år. Dei er utruleg flinke, og det er veldig kjekt å kunne støtte eit så positivt arrangement. Det er veldig gøy å sjå kor flinke elevane er kvart år, seier Arne Lothe i Sparebank 1 søre Sunnmøre.
Han legg til at for dei er det også viktig å sjå det profesjonelle apparatet rundt, og at musikalen i år skal vere i hallen som ber banken sitt namn.
– Det blir spennande å sjå i nyearenaen på Volda Campus Sparebank 1 Arena, der blir det endå meir profesjonalisert, med endå fleire som kan kome å sjå desse flotte framsyningane, seier Lothe.
Dei andre bankrepresentantane er heilt einige, og ser for seg at ein skal vere med å støtte prosjektet også i åra som kjem.
– Eg håper at eg får vere med på 50 også eg, altså. Eg håper at dette er noko som kan halde fram, og som ein kan finne midlar til å få til. Det håper eg at også kommune og fylkeskommune ser kor viktig dette er, seier Ryste i Sparebanken Møre.
Billettar til framsyningane kan du kjøpe her:
Reportasje laga av:
Amanda Langlo Moe (foto og redigering), Caleb Harman (foto og reporterstemme), Jenny Warholm Engh (foto)
Intervjuobjekt:
Maciej Jaskiewicz (elev ved Medium og kommunikasjon) og Kirsten Ragnhild Grimstad (lærar ved Musikklinja)
Les portrett av Eirik Stave her
Tekst og foto: Amanda Langlo Moe